Хари Локвенец: И понатаму ќе патувам со автомобил
Објавено во: Економија 28 Август, 2018
Пратеникот на СДСМ, Хари Локвенец, за Телма изјави дека нема да ја користи законската можност за изнајмување стан под кирија до 400 евра месечно заради кратење на собраниските трошоци и дека понатаму ќе патува секојдневно со автомобил.
- Законски веќе ги скративме патните трошоци за 30 отсто и тоа е доволен напредок. Јас ќе патувам и понатаму со автомобил затоа што сакам да останам во непосреден контакт со моето гласачко тело, односно да бидам блиску со оние кои ме изгласаа како пратеник - изјави Локвенец.
Во најновите пресметки, пред донесувањето на законските измени, беше евидентирано дека пратеници трошеле и до 12.800 евра за девет месеци за патни трошоци.