И други бизнисмени го пријавуваат рекетот, истрагата останува кај Боки 13 и Кичеец
Објавено во: Македонија 19 Јули, 2019
Еден пријавил па почнала истрагата, но по обелоденувањето на случајот и некои други бизнисмени пријавиле во Јавното бвинителство дека биле уценувани. Во случајот Рекет осомничени се Бојан ЈОвановски и Зоран Милески кои изнудувале пари за да имаат влијание кај некој јавен обвинител. Стана јасно дека еден од сведоците за кои се тврди дека е Орце Камчев пријавил дека му изнудиле 1,5 милиони евра.
Бизнисменот Зоран Азманов тврдеше и јавно, тој најави и кривична пријава, додека во јавноста се вртеа многу имиња, познати бизнисмени за кои дел од медиумите тврдеа дека дури и платиле. Сепак тоа не се потврдува, иако од обвинителството тврдат дека веќе има пријави. Како ќе се одвива истрагата и дали ќе биде проширена ќе се знае набрзо, иако од Обвинителството велат дека може да се превземат мерки само кога ќе имаат доволно докази.
Премиерот Зоран Заев завчера изјави дека некои бизнисмени од внатрешноста му се јавиле и му кажале дека им било барано пари, па изјави дека тој пријавил. Обвинителкста Вилма Рускоска пак вчера изјави дека Заев прв ја известил за рекетот и таа побарала од него сведокот сам да пријави во Обвинителството.
Засега нема истрага и за Катица Јанева, специјалната јавна обвинителка на која и беше одземен телефонот. Таа е на официјално боледување и не доаѓа на работа откако во понделеникот си најави оставка во обвинителството.
Нејзиниот мобилен телефон е на вештачење, а и беше одземен за да се провери комуникацијата со осомничениот Бојан Јовановски кој е неформален сопственик на 1ТВ- каде што пак е вработен синот на Јанева. Сеуште е нејасно каква била нејзината улога во овој случај.
Јовановски е во притвор во Шутка, а таму е и другиот осомничен во случајот „Рекет“, Зоран Милески Кичеец. Осомничени се дека изнудувале пари и тргувале со влијание кај еден јавен обвинител.