И Помпео со честитка за Денот на независноста
Објавено во: Македонија 09 Септември, 2019
„Во име на Владата на САД и американскиот народ, упатувам честитки на народот во Република Северна Македонија по повод 28 години независност“ пишува во честитката американскиот државен секретар, Мајк Помпео а соопшти Стејт департментот.
Помпео во честитиката истакнува и дека ги поддржува настојувањата на Северна Македонија да се приклучи кон НАТО и ЕУ.
„Вашата постојана посветеност на демократските принципи и владеење на правото придонесуваат не само на иднината на Република Северна Македонија, туку и мирот и безбедноста во регионот. Се радуваме што ќе ве дочекаме вас како 30. членка на НАТО“, наведува Помпео.