И свештеникот наследник на Иринеј заразен со коронавирус: Примен е во болница

Добивај вести на Viber

Митрополитот Дабро - Босански Хризостом, кој по смртта на патријархот Иринеј претседава со Синодот на СПЦ е примен во болницата „Драгиша Мишковиќ“ во Белград поради инфекција со коронавирусот. 

Информацијата ја потврди Српската православна црква (СПЦ) во соопштение во кое не се даваат други детали за здравствената состојба на митрополитот. Тој вчера служел литургија во Патријаршијата на Пеќ во Косово, престолот на српските патријарси.

Инаку Хризостом ја водеше погребната церемонија на патријархот Иринеј кој почина минатиот месец од последици од коронавирусот. Претходно од коронавирусот почина и црногорскиот митрополит Амфилохије.

Фактор веќе пишуваше дека од коронавирусот кој направи пустош во Србија и во регионот починаа вкупно пет свештеници на СПЦ.

Речиси на самиот почеток на епидемијата, пристигна веста за првата смрт кај свештенството. Епископот Ваљевски, Милутин, почина на 79-годишна возраст, на 30 март 2020 година, како резултат на вирусот ковид 19. Владиката Милутин почина два часа по полноќ, во болницата „Драгиша Мишовиќ“ во Белград, каде што беше на лекување. Владиката Милутин беше востоличен како епископ на обновената Валевска епархија во септември 2006 година.

Следуваше нов удар во октомври. Малку работи ја погодија јавноста неодамна како веста за смртта на патријархот Иринеј, но и митрополитот Амфилохије еден месец порано. За помалку од еден месец, короната однесе животи на двајца, кај верниците омилени свештеници.

Српскиот патријарх Иринеј присуствуваше на погребот на митрополитот Амфилохије на 1 ноември. Само три дена подоцна, инфекцијата била дијагностицирана кај поглаварот на Српската православна црква. Патријархот Иринеј отиде на лекување во воената болница Карабурма од 5 ноември. Официјалната вест за неговата смрт пристигна на 20 ноември во раните утрински часови.

Само еден ден подоцна, на 21 ноември, пристигна веста за смртта на поранешниот бискуп во Рашка и Призрен, Артемије. Оваа информација ја објави претседателот на Европското движење на Србите од Косово, Рада Трајковиќ. Иако е свештеник, владиката Артемије не може да се смета за член на Српската православна црква, бидејќи во поновата историја на Српската православна црква, тој е единствениот разрешен и чиј чин е одземен.

На истиот ден, на 21 октомври, монахињата Нина почина во Пеќската патријаршија, а директорот на Канцеларијата за Косово и Метохија, Петар Петковиќ, испрати сочувство до игуманијата на Пеќската патријаршија, мајката Харитина и сестринството.