ИМАЛО ЛИ ЗАГОВОР ЗА НАПАД: Сириски војници заробија Британци

Добивај вести на Viber

Сириските војници заробија британски војници при воена операција во областа Гута.

Се смета дека заробените војници се дел од меѓународните сили што се распоредени во областа за да извршат копнен напад врз сириската престолнина Дамаск, во соработка со САД.

Во извештајот се наведува дека САД и други членки на НАТО, како и Јордан и Израел, планирале да извршат напад од неколку фронтови, но дека планот пропаднал поради брзото напредување на сириските оружени сили во текот на минатиот месец.

Во рамки на заговорот, наводно, биле планирани обемни воздушни напади на САД, но и на израелски авиони, за да се отвори патот за копнените сили.

Знамето на сириската Влада беше поставено над градот Думи, последната бунтовничка зона во близина на Дамаск, што укажува на тоа дека властите на претседателот Башар ал Асад ја презеле целосната контрола. Руската војска со соопштение навела дека состојбата во Думи се „нормализира“. Руски воени сили се распоредени во Думи за да ги гарантираат редот и законот, соопшти руското Министерство за одбрана, и додаде дека денес почнале да спроведуваат патроли.

„Денеска се случи важен момент за историјата на Арапска Република Сирија – знамето на сириската влада беше подигната во една зграда во градот Думи, што значи преземање на контрола на тоа место и според тоа преземена е контрола над целокупна Источна Гута”- вели рускиот генерал Јуриј Евтушенко.

Наводно таму се случил хемиски напад во кој според податоците од опозициските активисти загинаа 40 луѓе

Над 13.500 сириски бунтовнички борци и нивните семејства го напуштија Думи месецов под т.н. договор за евакуација помеѓу бунтовниците и руската војска, главниот сојузник на Владата на претседателот Башар ал Асад.

Руското Министерство за одбрана соопшти дека 1.500 луѓе го напуштиле градот во последните 24 часа.

САД најавија можен удар за силите на сирискиот претседател Башар Асад како одговор на наводниот хемиски напад во Дума.