IntelliSTEM – сеопфатно смарт решение дизајнирано за ефикасен и профитабилен агро-бизнис

Добивај вести на Viber

Деновиве на македонскиот пазар беше претставен IntelliSTEM - ново, иновативно ИКТ решение кое им помaга на проиводителите во агро-бизнисот значително да го унапредат своето производство на храна и на тој начин да станат поконкурентни на пазарот.

Станува збор за нов и иновативен проивод, кој е плод на соработката помеѓу ГОРД Системи Сервиси и Футура 2/2 маркетинг и адвертајзинг агенција. Со IntelliSTEM решението тие имаа успешен настап и презентација на KATANA Crowdfunding - бизнис акселератор спонзориран од ЕУ за визионерски претприемачи од агро-бизнисот. Имено, во конкуренција од 650 пристигнати предлог-идеи од 24 земји, проектот IntelliSTEM влезе во првите 10 најдобри производи.

IntelliSTEM претставува сеопфатно решение, составено од интелигентни алатки дизајнирани со цел да им помогнат на агро-проиводителите да постигнат високо-ефикасно работење и поголем профит. Тоа успешно ги решава проблемите во многу важни области на делување: снабдување со вода и ѓубриво, градење сопствена база на знаење која автоматски се пополнува со податоци од терен, планирање, мониторинг и автоматизација на работните процеси што секојдневно се изведуваат од персоналот. Меѓу многубројните предности на овој иновативен производ, се издвојуваат:

·  Иновативно решение базирано на напредни IKT технологии (IoT/Internet-of-Things, Machine learning, NFC/Near Field-Communication, итн.)

·  Прецизното следење и процесирање на параметриод средината во која се одгледува културата (влажност и температура на почва, влажност, притисок и температура на воздух, ниво на светлина), евиденција за прилив на вода, ѓубриво и препарати за заштита, предупредување доколку нешто не е во ред со производствениот процес итн.;

·  Намалени трошоци на производство за 30% - 60%

·  Градење сопствена база на знаење со прибирање податоци од терен, која им помага на производителите да носат правилни одлуки во вистинско време;

·  Интерактивно и едноставно за користење, IntelliSTEM е всушност алатка која овозможува увид во моменталната состојба на културите (мониторинг на параметри од околината, податоци за извршени операции - како последно наводнување, употребени ѓубрива и заштитни средства, следни чекори што треба да се превземат итн.);

·  Автоматизиран и прецизен дотур на вода и ѓубриво прилагоден на потребите на секоја култура. Ова отвора можност за производство без употреба на хемикалии како што се регулаторите за раст, што е особено важно за органското производство.

ГОРД Системи Сервисиоснована во 2006 година се занимава со развој на иновативни решенија базирани на напредни ИКТ техноогии (IoT/ Internet of Things, машинско учење, мобилни апликации итн.), додека Футура 2/2, основана во 2004 година, е една од најуспешните македонски адвертајзинг агенции, препознатлива по свежиот и иновативен пристап кон потребите на своите клиенти од најразлични индустрии. 

Преку заедничката работа на IntelliSTEM проектот,  ГОРД Системи Сервиси и Футура 2/2 маркетинг и адвертајзинг агенција, обединиja тим од искусни менаџери, персонал и консултанти во доменот на ICT, агро-бизнисот, маркетингот и јавните односи.  Тимот за развој на софтверот вклучуваше и искусен и обучен персонал со високи познавања од областа на најновите софтверски трендови и IT технологијата, одлични комуникациски вештини и големо меѓународно искуство.