Иран беше и ќе остане чувар на безбедноста на Персискиот залив, порачува Рохани
Објавено во: Свет 23 Јули, 2019
Иран
беше и ќе биде чувар на безбедноста и слободната навигација во Персискиот
Залив и Ормускиот теснец, изјави иранскиот претседател Хасан
Рохани.
Според медиумите од регионот, Рохани ова го кажал за запленување на британскиот танкер од Иранската револуционерна гарда.
Велика Британија соопшти дека сака да формира мисија предводена од Европа за следење и заштита на бродови во таа област.
Иран не сака да ги ескалира актуелните тензии во регионот и со други земји и никогаш нема да започне војна или конфликт, рече Рохани и објави италијанската АНСА.
По состанокот со ирачкиот премиер Адел Абдул Махди, Рохани повика на дијалог и регионална соработка. Тој исто така потенцира дека проширувањето на соработката меѓу официјалните Техеран и Багдад сигурно придонесува за стабилноста и безбедноста на регионот.