Иселеници собираат пари за помош на двајца од напаѓачите во Собранието?

Добивај вести на Viber

Од 15 до 500 долари се движат донациите кои ги уплаќаат Македонци од дијаспората за собирање средства за одбраната на напаѓачите на пратеникот Зијадин Села во македонскиот Парламент, но и за помош на нивните семејства.

„Македонските патриоти Цане и Кире Ѓоргиевски се соочуваат со минимум 5 години затвор за нивните активности на 27 април. „МИНА“ собира средства за помош на нивните семејства, но, исто така, ќе им помогне за одбрана од обвиненијата за „обид за убиство“ на Зијадин Села“ - пишува во објавата на youcaring.com, каде има донирано над 1.400 долари за помош на напаѓачите на лидерот на Алијансата за Албанците.

Се наведува дека овие луѓе биле испровоцирани откако пратеник ја пееше албанската химна во Парламентот на Македонија. Обвиненијата мора да бидат отфрлени, пишува еден од донаторите.

Кире Ѓорѓиевски и неговиот 68-годишен татко се приведени поради учество во нападот врз Села.  39-годишниот Ѓорѓиевски на снимките се гледа како го влече Села низ собраниските ходници на 27-ми април.  Со него на видеото се гледа и таткото му. 

Полицијата изврши претрес во домот на Ѓорѓиевски каде се пронајдени патики со траги слични на крв, облека и три мобилни телефони, кои се одземени.