„Исламска држава“ ја потврди смртта на лидерот
Објавено во: Свет 11 Јули, 2017
Екстремистите од терористичката група „Исламска држава“ објавија дека нивниот лидер Абу Бакр ал Багдади е мртов. Тоа го пријавил локален извор за телевизискиот канал "Ас Сумарија“, пренесува агенција ТАСС.
Според зборовите на изворот на арапската телевизија, кој е од ирачката провинција Наинав, терористите пуштиле кратко соопштение во кое е објавено за смртта на Багдади, како и дека во најскоро време ќе го објават името на „новиот лидер“.
Претходно ирански медиуми раширија слики, потврдувајќи го ликвидирањето на лидерот на „Исламска држава“.
Во средината на јуни од Министерството за одбрана на Русија соопштија дека на крајот на месец мај во Сирија по воздушен удар е убиен Багдади. Бидејќи пред тоа неколку пати имаше такви претпоставки и тие се покажаа погрешни, Москва започна проверка за случајот.
На 2 јули имам, кој за време на молитва спомена за наводното убиство за лидерот на „Исламска држава“ беше казнет од терористите со 50 удари со камшик, по што беше убиен.