ИСТОРИЧАРОТ БОЖИНОВ: Бучковски ја напушти Софија со подвиткана опашка

Добивај вести на Viber

Во интервју за БНР, историчарот Воин Божинов, кој е член на Институтот за историски истражувања при БАНУ (Бугарската академија на науките и уметностите) говори дека во Македонија постои антибугарска хистерија. Ова според него покажува дека македонизмот не е само идеологија, туку и ментално отстапување. 

– Можеби таму мислат дека ќе го мобилизираат општеството за каузата – преговори со Европската унија. Добро е познато дека омразата носи негативна реакција. Тие мора да сфатат дека ова не е пристапот, вели историчарот Божинов.

Истовремени, смета тој, различни сигнали дава и Бугарија. Во програмата на БНР „Политички неточно“ Божинов додава:

– Големи се надежите во Скопје дека можат да направат чекор напред по изборите во Бугарија. Средбата на Бучковски со Корнелија Нинова беше многу интересна бидејќи скопската страна очигледно сакаше да ги испита плановите на најголемата опозициска партија. Но, тој ја напушти Софија со подвиткана опашка... Нашата дипломатија мора да има крајно рафинирани начини на дејствување - од една страна да ги заштити нашите национални интереси, а од друга - да покаже дека РСМ има место во нашето европско семејство со цел во него да не започнуваат никакви деструктивни процеси, што може да доведе до негово распаѓање. Наш општ интерес е РСМ да постои како независна држава, бидејќи нејзиното присуство на картата ја раскинува копнената врска помеѓу Србите и Грците, што е од голем интерес за нас, бидејќи тоа е граница што секогаш ја гушеше Бугарија, истакнува во интервјуто за БНР, историчарот Божинов.