Извршниот Комитет на ВМРО-ДПМНЕ заклучи дека Мицкоски треба да преговара за формирање Влада
Објавено во: Македонија 20 Јули, 2020
Извршниот Комитет на ВМРО-ДПМНЕ, на првата седница по одржувањето на предвремените парламентарни избори, донесe одлука да го овластат претседателот Христијан Мицкоски да продолжи со разговори во обидот за составување на ново парламентарно мнозинство.
Според Извршниот Комитет, и покрај тоа што изборите се одржале во недемократска атмосфера, со масовен поткуп на гласови спроведен од актуелната власт на СДСМ, ВМРО-ДПМНЕ ја добила довербата од народот во најголем број на општини и издејствува поголем број на мандати споредено со СДСМ без коалицијата со БЕСА.
Оттаму, тие заклучиле дека нивниот лидер Мицкоски треба да преговара со потенцијални партнери за формирање Влада.
На седницата не била побарана одговорност ниту од претседателот, ниту од партиското раководство за изборниот резултат.Најавуваат дека одбиените приговори од ДИК ќе ги преточат во тужбено барање до Управниот Суд.
ВМРО-ДПМНЕ е загрижена поради економската криза во државата и очекува да се преземат активни мерки за таа да се надмине.