Јакимовски доби отказ од Бошковска-Јанковски

Добивај вести на Viber

Решение за престанок на работниот однос на Емил Јакимовски кој последните неколку дена е под будното око на јавноста по вулгарното и недолично однесување кон новинари, директор на институција, но и кон градоначалник, добил од директорката на институцијата во која е вработен.

За оваа одлука информираше лично Марија Бошковска Јанковски која соопшти дека оваа одлука доаѓа  поради суштествени повреди на одредбите од Колективниот договор на Централниот регистар.

Директорката вели дека Јакимовски ги повредил и прекршил одредбите од неговиот Договор за вработување .

-Иако вработениот треба задолжително да го чува, Јакимовски сепак  не го чувал угледот на работодавачот и не се воздржувал од сите постапки кои со оглед на природата на работата што ја врши се штетни или ги повредуваат интересите на работодавачот, професионално не се однесувал спрема другите вработени и странките, не ја респектирал хиерархијата и не се однесувал согласно Кодексот на однесување на работодавачот и пропишаните правила за ред и дисциплина кај работодавачот-напиша на Фесјбук доцна во неделата Бошковска Јанковски.

Претходно во текот на денот, директорката информираше дека е хакирана и фан страната на Фејсбук на Централниот регистар, а за тој чин како што се наведува, сомнежите одат на адреса на самиот заканувач, во случајот Емил Јакимовски.

Јакимовски крена доста прашина во јавноста. Граѓаните прашуваат зошто не се преземаат никакви мерки против него, а техничкиот министер за внатрешни работи за денеска најави дека случајот со заканите упатени кон новинарките Мери Јордановска и Искра Коровешовска ќе го пријави во СВР Скопје.