Како да станеме држава за пример-Ирците го имаат рецептот!

Добивај вести на Viber

БДП на Ирска пораснал за 7,8 одсто минатата година, благодарение на што втора година ја задржа позицијата на најбрзо растечка економија во Европската унија.

Во последниот минатогодишен квартал, БДП на Ирска пораснал за 2,7 одсто во однос на растот од 1,5 одсто од претходниот квартал, соопшти ирската канцеларија за статистика, пренесе Ројтерс.

„Замаецот всушност зајакнал во последниот квартал. Ваквите податоци се значајно над сите очекувања. Нема да оствариме иста стапка на раст во 2016 година , но секако дека во оваа година ќе биде доста движечка и ќе го надминеме остатокот на Европа“, изјавил главниот економист на брокерслата куќа „Gudbodi stokbrokers“ Дермот Олери.

Ирска брзо се опорави од меѓународнот пакет помош договорен во 2010 година и нејзината економија во 2015 година имала корист од падот на невработеноста, силните резултати во малопродажбата и слабото евро кое му пружи поттик на извозниот сектор на Ирска.

Ирската влада прогнозираше дека растот на БДП ќе надмине седум одсто во минатата година, додека официјалната проекција за 2016 година ја утврдила на 4,3 одсто, наведува британската агенција.

Приватната потрошувачка во Ирска, според денешните објавени податоци пораснала за преку три одсто лани, што укажува на силна домашна побарувачка.

Поради контраст, економијата на еврозоната лани пораснала за околу 1,5 одсто, пренесе Гардијан.