КАКО СЕ БРАНАТ СИРОМАШНИТЕ - пратениците што гласале за повисоки даноци наречени „свињи“

Добивај вести на Viber

Откако словенечките пратеници од владејачките партии гласаа за промена на даночните стапки, нивниот колега, Миха Кордиќ, на фејсбук ги нарече „свињи“, и потоа не сакаше да им се извини. 

Според него, но и според неговата партија, таа измена најмногу ќе ги погоди луѓето со најниски приходи. 

„Оние пратеници кои гласаа за мерките со кои заради помалата даночна стапка самите ќе добијат повеќе за 700 евра годишно, додека оние со пониски плати и самохраните мајки поради помалите додатоци годишно ќе изгубат по 200 евра, се обични свињи“, напиша Кордиќ на Фејсбук веднаш по гласањето во парламентот.

Како што пренесува Хина, според него, владејачките партии преку промената на распоредот на оданочување на приходите, за себе и за другите луѓе со високи плати ќе добијат даночни олеснувања, а сиромашните „празна чинија“.

Кордиќ е пратеник на Левица, партија која формално не е во владата, но и обезбедува парламентарно мнозинство како придодадена членка, но нејзините односи со партиите од владејачката коалиција на премиерот Маријан Шарец во последните неколку недели се расипаа, откако партиите во владата ги обвини за нечуствителната социјална политика.

Кордиќ, еден од помладите членови на парламентот, објасни дека реагирал во бес, но дека всушност треба да се извинат оние кои гласаа така како што гласаа. Напомена дека во фокусот на јавноста не треба да биде терминот „свињи“, како што се случи, туку „свињаријата“, која со изгласаните промени, се направи. Тој вели дека ниту ќе го повлече, ниту ќе го избрише својот став на фејсбук.