Како требаше да изгледа Југославија во 2000-тe
Објавено во: Свет, Стил 15 Февруари, 2016
Многу од тогашните еминентни аналитичари ги дале своите предвидувања како ќе изгледа Југославија во 2000-та. Предвидоа трансплантација на органи, нови телекомуникациски технологии, нови медицински техники, но никој не предвиде распад.
„Визијата на животот кој не чека после три децении, а кој ќе го дочекаат две третини од денес живите Југословени не е занимлива само како збир на атрактивни претпоставки, податоци за животниот стандард за кој денес можеме само да сонуваме туку и како една многу сериозна опомена дека во секој сегмент од животот неопходно е долгорочно планирање без кое можат да се направат многу судбоносни промашувања“ пишува во текстот.
Американските футуролози светот во 2000-та година го гледаа поделен во шест групи: постиндустриски општества (60 до 200 долари по човек), во развој (200 до 600 долари по човек), зрели индустриски општества (600 до 1500 долари по човек), високо индустриски (1500 до 4000 долари по човек), рано постиндустриски (4000 до 16.000 долари по човек) и високо постиндустриски со над 16.000 долари по човек.
Според пресметките на економистот Милош Синџиќ, Југославија во 2000-та година треба да остварува приход од 2520 долари по човек и со тоа би била во групата на високо индустриски земји.
„Во тој случај ќе го достигнеме нивото на стандард кој го имаше Шведска во 1965-та, а денес е едно од највисоките во светот. Југославија во следните 30 години ќе има и 10 милиони жеители повеќе од денес - околу 30 милиони“ - смета Сандиќ.
Тие предвидоа и нови начини на комуницирање и нови материјали отпорни на високи температури.
„Жените ќе купуваат фустани за еден ден, за едно излегување, а конзервативните маќи ќе можат да го носат истото одело една деценија ако сакаат. Не е исклучено и дека до крајот на овој век ќе имаме директен пристап до човековата меморија, ќе можеме да ги зголемиме човековите интелектуални способности со непосредно поврзување на човековиот мозок со компјутер, се тоа проследено со видно подмладување или продолжување на човековиот живот до 150 години“.
Покрај тоа тие предвидуваа и вештачка интелигенција како и вештачко производство на органи за трансплантација.
Во 2000-та луѓето ќе можат да се раѓаат со помош на ефтини, практични и сигурни нови медицински техники, а ќе можат да го бираат и полот на своето дете благодарение на генетската контрола. Тие ја предвидоа и промената на полот кај возрасни.
„Човекот во иднина ќе работи во денес незамисливи услови. Ќе има повеќе светло. Кога ќе се уморат луѓето ќе можат да се забавуваат во сонот“ гласеше предвидувањето за програмирањето на соновите до 2000-та.
„Автоматските стоковни куќи ќе не снабдуваат со синтетичка храна како и со пијалоци полни со протеини, ензими и витамини“ стои во тестот. Помеѓу 10-те, како тие ги нарекуваат, далечни можности се наоѓа и онаа дека животот не само што ќе биде продолжен на 150 години туку и дека луѓето ќе се бессмртни. Меѓу другото тука е и предвидувањето дека жетвата на пченката ќе стигне на 5 милиони тони и таа ќе стане едена од стратешките суровини на Југославија.