Какви проблеми создава фактот дека немаме попис?
Објавено во: Македонија 30 Јануари, 2021
Да се спроведе попис е повеќе од потребно во Македонија.
По речиси две децении без попис во државата има недостаток од квалитетни статистички податоци не само за вкупниот број на населението, туку и за точниот бројот на жители во секој регион, општина, како и за нивните карактеристики, велат од СДСМ.
„Пописот на населението што ќе се одржи на пролет ќе обезбеди целосни, точни и релевантни податоци, како се основа за градење на стратегии и политики за натамошен развој на државата, економијата и општеството, за сигурен и предвидлив развој на државата“, соопшти оваа партија.
Попис ќе имаме во април. Од опозицијата имаше предлози за спроведување на електронски попис.
Левица поднесе иницијатива до Уставниот суд со кој ја спори уставноста на донесениот Закон за попис.
„Со цел да се прошверцува, беше ставено европско знаменце, но сите пет европски регулативи се лажно фингирани. Нема законски дефиниции, нема утврдена методологија, нема образец за прашалник, нема утврдено резидентно население, итн“, рече лидерот Димитар Апасиев во обраќањето.