Какво време не очекува викендов?
Објавено во: Македонија 23 Март, 2018
Времето денес во Македонија ќе биде облачно со повремени врнежи со слаб до умерен интензитет, во јужните делово од земјата од дожд, а во северната од снег.
Повеќе врнежи ќе има во попладневните часови и речиси насекаде ќе бидат од снег. Ќе дува слаб до умерен ветер претежно од северен правец.
Максималните дневни температури и натаму ќе бидат во значително опаѓање во споредба со минатата седмица и ќе се движат од минус 1 Целзиусов степен во западните предели, околу 5 во југозападните и централните, до плус 8 степени во јужните делови од земјата. Во Скопје и околината утринската температура ќе се спушти до минус еден, а дневната ќе достигне до три степени. Крива Паланка 2, Маврово -2, Охрид 6, Битола и Кавадарци 4, Берово 3, Дојран 9...
Во сабота и недела променливо облачно, во утринските часови на повеќе места температурите ќе бидат под и околу нулата. Постепено затоплување со повремени врнежи од дожд ќе има од недела попладне и дневни температури од 2 до 14 степени.