КАСАМИ: Ќе има европска влада во која коалицијата „Влен“ веќе е најавено дека ќе биде дел
Објавено во: Македонија 26 Април, 2024
Лидерот на Движењето Беса и дел од албанската опозициска коалиција „Влен“, Билал Касами денеска на настан во Тетово изјави дека, како што веќе е најавено, нивната коалиција ќе биде дел од наредната влада. Вели дека во таа влада, па дури и со ВМРО-ДПМНЕ, полесно ќе се изгласат уставните измени.
„Ќе има европска влада, влада во која коалицијата „Влен“ веќе е најавено дека ќе биде дел. Во таа влада, се разбира, кажавме и кажуваме дека го гарантираме интегрирањето на земјата во ЕУ и унапредувањето на правата на Албанците. И претходно имаме кажано дека во таква влада ќе биде многу полесно, дури и ако ВМРО-ДПМНЕ е во таа влада или која било политичка партија, треба да се изгласаaт уставните измени. Затоа, кога велиме дека ќе се изгласаат уставните измени и ќе се изгласат. Ние не сме како ДУИ која за 10 години коалицинирање со ВМРО-ДПМНЕ не направи ниту најмал чекор кон интеграција во Европската Унија“, рече тој.
Касами рече дека нивната коалиција се „гаранти на уставните измени и унапредувањето на правата на Албанците“. Toj кажа дека вчерашната постапка на Артан Груби од Европски фронт, со куферите пред општина Чаир е подло однесување. Според Касами, Груби на 8 мај ќе добие одговор од Албанците.
foto Facebook/Bilall Kasami