Кина гради брод копија на Титаник: За што ќе им е кога нема да плови?

Добивај вести на Viber

Кинеска бродоградителна компанија гради копија на светски познатиот „Титаник“, пренесе Ројтерс.

Инвестициите во проектот се во вредност од речиси 145 милиони долари.

Бродот ќе биде со должина 269 метри и ширина 29 метри. За разлика од оригиналот, дупликатот на бродот нема да плови, а ќе остане неподвижен во еден Рибник на округот Даин (провинција Сечуан, Југозападна Кина). Идејата на авторскиот проект е новиот „Титаник“ да се претвори во туристичка атракција за регионот.

The keel of #NewTitanic, a 1:1 remake of the original, is being laid in Sichuan. pic.twitter.com/AqdIA0gf6j

— NewTitanic (@new_titanic) November 30, 2016

Внатрешниот ентериер исто така ќе ја имитира раскошната декорација во викторијански и ренесансен стил на „Титаник“. Одбрани се бродоградители и дизајнери кои ќе го рекреираат секој детал, вклучувајќи го и театарот, кабина од прва класа, базенот и раскошната сала. За целта компанијата ќе привлече технички специјалисти од САД и Велика Британија.

Интересен факт е дека одделните елементи од конструкцијата на бродот ќе бидат изградени во провинцијата Хубеи и потоа ќе бидат доставени во Сечуан за конечна монтажа.

Проектот е финансиран од компанијата „Qixing Energy Investment“ и има за цел да го заживее туристичкиот сектор во регионот.

„Титаник“ е најголемиот брод на времето, но уште на своето прв патување претрпува бродолом во ноќта на 15 април 1912 година во судир со санта мраз. Тогаш загинаа од 1495 до 1635 луѓе. 

Остатоците на бродот, кои се на длабочина 3700 метри во северниот дел на Атлантскиот Океан, се откриени во 1985 година. Потоа истражувачите од целиот свет преземаат бројни подводни експедиции за истражување на бродот, како резултат на кои се извадени илјади артефакти.