Ќе добие ли градоначалникот на Демир Хисар црвен картон од Заев?

Добивај вести на Viber

Верувам до небото во нашиот народ, да покажеме одговорност и да постигнеме консензус за европска Македонија.

Ова е главната порака која премиерот во екот на референдумската кампања ја испрати од градот на градоначланикот кој го “прослави“ скандал по објавеното видео на социјалните мрежи како наводно ги прислушкува вработените во основното училиште во Демир Хисар.

Она што се коментира во јавноста по граѓански собир во Демир Хисар е зошто Марјанче Стојановски не се обрати пред сограѓаните како градоначалник од редовите на СДСМ, како што впрочем се обраќаа сите градоначалници на досеашните референдумски обраќања.

Дали премиерот му е лут на Марјанче и планира негова смена засега не е познато иако дел од медиумите пишуваат дека премиерот Заев намерно го изоставил говорот на градоначалникот а смената  на градоначалникот доаѓа не само поради објавената снимка, туку се работело и за поделеност во партијата. 

Градоначалникот на Демир Хисар по скандалот се огласи со писмо во јавноста во кое наведува дека не го повишувал тонот пред воспитувачките, туку дека објаснувал дека директорката на училиштето „Гоце Делчев“ има законско право да ги распредели.

 Сепак градоначалникот, кој по објавената видео снимка беше повикан и на информативен разговор во полиција, не објасни зошто споменува дека му е достапно „прислушувањето“ како поранешен вработен во МВР.