Ќе се носи нов закон за јазиците но, без рокови и ултиматуми

Добивај вести на Viber

Парламентарното мнозинство ќе ја започне процедурата за носење на новиот закон за употреба на јазиците кој е дел од владиниот договор кога за тоа ќе се создадат соодветни услови, но коалиционите партнери засега не поставуваат никакви рокови ниту ултиматуми.

“Имаме договор за јазикот. Имаме договор за коалицијата. Имаме договор и за форматот на владата на Република Македонија. Сега разговараме за најповолен момент кога да се стави на дневен ред во собранието“, смета Ахмети.

Од друга страна пак, притисок врши движењето БЕСА кои велат дека новиот закон не е на приоритетната листа на парламентарното мнозинство и изразија сомнежи дека ако не се донесе навреме тоа може да значи и крај за владината коалиција. 

Фадил Зендели, од коалицијата Преродба со Беса, ги потсети партиите на Албанците кои се дел од мнозинството, дека ветија оти законот за јазиците ќе се изгласа  уште пред да се изгласа владата.

„Ние, како парламентарна група и политички субјект ќе излеземе со сопствен предлог, за тоа како ние гледаме на решавање на прашањето за службена употреба на албанскиот јазик“, изјави Зендели.