Ќучуков: Тоа што во Скопје грешат за историјата не значи дека ние во Софија се однесуваме паметно

Добивај вести на Viber

Според директорот на Институтот за економија и меѓународни односи и поранешен кариерен дипломат во Бугарија, Љубомир Ќучуков, Бугарија сè уште ја гледа Македонија како територија.

Смета дека со тоа што Бугарија најавува блокади за Македонија, само ќе си затвори многу врати за влез во Шенген зоната. Вели дека Бугарија стана изолирана во Европа. 

„Единствените кои најдоа храброст да се спротивстават на рутината на противењето околу спорот  на Бугарија со Македонија беа  два фудбалски клуба од Софија и Скопје“, вели тој за „24 Часа“.

Тој рече дека историските личности треба да обединуваат, а не да разделуваат. Додава дека до пред неколку години тоа не беше проблем. Вели дека има огромен пораст на антибугарското расположение во Македонија. 

„Процентот на граѓани кои ја сметаат Бугарија за непријател веќе ја достига бројката од 50 отсто, наспроти нешто повеќе од 1 отсто пред пет години. Во земјата има  акумулација на акти на физичка агресија врз бугарски државјани и граѓани со бугарски етнички идентитет, како и врз нивните културни центри. Да, се ​​дојде до ситуација да мора да се мобилизираат полициите на двете земји за да се спречат можни судири. Искрено се надевам дека тоа нема да се случи. Заклучокот е само еден – победи македонизмот. Можеби дефинитивно. И денес од намерно подметната државна доктрина се претвори во национално верување, кое го делат голем дел од граѓаните на Македонија. Главна заслуга за тоа имаат бугарските политичари во последните години. Тоа што во Скопје грешат за историјата не значи дека ние во Софија се однесуваме паметно во политиката“, рече Ќучуков.

За тепачката во Охрид кажа дека секако дека не можела да помине без реакција. 

Даниел Лорер од партијата „Продолжуваме со промените“ (ПП) кажа дека Христијан Пендиков не е бугарски државјанин. 

Eкс бугарскиот заменик министер за надворешни работи Милен Керемедчиев, за БНР, изјави дека во пресрет на претстојните избори во Бугарија одредени партии ја користат тензијата во односите меѓу Софија и Скопје, за да се обидат да го подигнат својот рејтинг и популарност, што ги загубија во последните години.