Клинтон ја подмитил Црна Гора да му сврти грб на Милошевиќ?
Објавено во: Балкан 05 Септември, 2018
Откриени документи се документи кои укажуваат на фактот дека порашениот американски претседател, Бил Клинтон ѝ плаќал на Црна Гора да му сврти грб на српскиот политичар, Слободан Милошевиќ.
Администрацијата на американскиот претседател, Бил Клинтон ѝ даваше значајна политичка и финансиска поддршка на Владата на Црна Гора откако претседателот на Демократската партија на социјалистите (ДПС), Мило Ѓукановиќ, се дистанцираше од политиката на Слободан Милошевиќ.
Црногорски „Вјести” пишува дека тоа може да се заклучи од документите кои кон крајот на минатата недела се поставени на сајтот „Претседателската библиотека и музеј на Бил Клинтон“. Во овие документи, меѓу другото, се вели дека администрацијата на Клинтон во 1999 година ја помогна Црна Гора со 55 милиони долари.
Тогашната американска државна секретарка Медлин Олбрајт се сретна со црногорскиот претседател кон крајот на 1999 година во Берлин, на состанокот на министрите за надворешни работи на осум најразвиени земји (Г8), а веќе следното лето тие двајца дискутираа во Рим, што се гледа од достапните податоци за состаноците на американскиот претседател и државната секретарка.
Се тврди дека во пресрет на почетокот на бомбардирањето на НАТО во 1999 година, советникот за национална безбедност на Клинтон, Самуел Бергет, подготвил документ за воените операции на Косово, а во кој за Олбрајт бил наменет делот за Црна Гора.