Кочан останува на слобода - Кривичен ја отфрли жалбата на СЈО
Објавено во: Македонија 21 Мај, 2017
Кривичниот совет ја одби жалбата на Специјалното јавно обвинителство (СЈО) и го потврди решението на судијата на претходна постапка кој не го прифати предлогот на СЈО за притвор на бизнисменот Сеад Кочан.
Со тоа Кочан останува на слобода.
Тој е првоосомничен во случајот „Труст“ што го отвори СЈО. Бизнисменот даде гаранција од 900.000 евра за да може да се брани од слобода, а рокот за жалба тече.
Обвинителите на СЈО, Гаврил Бубевски и Артан Ајро вчера ги изнеле аргументите дека постојат индиции Кочан да го повтори делото. За нив високата парична гаранција и одземениот пасош не се доволна гаранција.
Одбраната пак на Кочан смета дека висината на гаранцијата е доказ дека осомничениот нема да го повтори делото. Адвокатот на Кочан, Никола Додевски не разбира зошто СЈО инсистира на притвор.
Бирото за јавни набавки на 18 мај објави дека компанијата на Кочан „Трансмет“, чии што сметки се блокирани на барање на СЈО, повторно добила тендер од ЕЛЕМ.
Кочан излезе од болница каде му беше вграден стент и сега се наоѓа дома. Тој претходно два месеци беше во бегство.
Можеби ќе ве интересира
ДАФИНА СТОЈАНОВСКА: Гласот кој ќе заврши за листите кои нема да имаат пратеник, ќе заврши на контото на Али
ФАКТОР НА ДЕНОТ: Партиите изнесоа ставови со кого би коалицирале и под кои услови
ЦРВЕНИ ЛИНИИ: Апасиев кажа кој е условот за коалицирање
МЕЏИТИ: Со Левица не би сакале да бидеме дел од иста влада, таа е антиевропски настроена
ПРЕДИСТРАЖНИ ДЕЈСТВИЈА ЗА ПОРАНЕШЕН ГРАДОНАЧАЛНИК: Тошковски објави што направил
Финансиска полиција: Фирма платила 3,5 милиони евра за стари акумулатори без да ги добие
ЕКС ГРАДОНАЧАЛНИКОТ НА БУТЕЛ НЕ СЕ ОТКАЖУВА: Ниту јас сум отишол од СДСМ ниту СДСМ се сели од Бутел
