Коѕијас бара стопирање на продажбата на оружје во Турција
Објавено во: Балкан 24 Мај, 2018
Грчкиот министер за надворешни работи, Никос Коѕијас му порача на американскиот државен секретар, Мајк Помпео да придонесе за стопирање на продажбата на оружје во Турција, бидејќи тоа би можело да биде искористено против нив, наведува грчкиот весник „Прототема“. Грчките медиуми пишуваат дека Коѕијас предупредил и оти оружјето би можело да биде искористено и против Грција, Кипар и другите соседни држави.
Државниот секретар на САД и Коѕијас во рамки на средбата разговарале за тензиите во билатералните односи меѓу Анкара и Атина.
Помпео го покренал прашањето и за притворањето на грчките војници во Турција, оценувајќи дека е неприфатливо членка на НАТО да притвори припадници на грчката армија.