Кога штипјани ќе гласаат за избор на нов градоначалник?
Објавено во: Македонија 30 Септември, 2020
Граѓаните на Општина Штип ќе избираат нов градоначалник пред Нова година.
Штип и Пласница ќе избираат нови градоначалници пред Нова година, откако Благој Бочварски и Исмаил Јаховски ги напуштија овие функции. Бочарвски стана министер за транспорт и врски, а Јаховски стана пратеник.
Владата синоќа ја констатирала предлог одлуката за престанок на градоначалничкиот мандат на Бочварски, а денеска веќе е доставена до собранискиот претседател Талат Џафери, кој е надлежен да ги распиши изборите за градоначалник во двете општини.
Министерот за локална самоуправа, Горан Милевски вели дека тоа значи дека доколку се оди според законските термини, првиот круг ќе биде на 13, а вториот на 27 декември.