Кој е младиот скопјанец - во Булачани имал лабораторија за марихуана

Добивај вести на Viber

Си садел марихуана во својот дом и си имал лабораторија за производство. Дваесет и шест годишен скопјанец сакал да заработи, но Полицијата и Обвинителството му ги поматија плановите. 

Од Обвинителството денеска соопштија дека по спроведена истражна постапка, Основното јавно обвинителство Скопје до скопскиот Основен кривичен суд поднело Обвинителен акт против едно лице кое се товари за кривично дело – Неовластено производство и пуштање во промет наркотични дроги, психотропни супстанции и прекурсори од член 215 став 1 од Кривичниот законик.

„На 2 март, на автобуска станица во населбата Хиподром, обвинетиот 26-годишник во рацете носел две најлонски ќеси со наркотична дрога – марихуана и една дигитална вага, која веднаш му била одеземена од полициски службеници. Подоцна во неговиот автомобил, паркиран во неговиот двор, биле пронајдени три најлонски ќеси и една сина кутија со марихуана, како и еден шприц со хашиш масло. При претрес на домот на обвинетиот во селото Булачани, пак, било утврдено дека тој неовластено произведувал марихуана, за што набавил опрема и инсталирал лабораторија за одгледување. Притоа биле пронајдени и 69 саксии со засадено растение – канабис, како и метална кутија со шест полиетиленски паковки марихуана“, објаснуваат од Обвинителството.

Со оглед на тоа што и натаму постојат околности кои укажуваат на опасност од бегство и можност обвинетиот да го повтори делото, надлежниот јавен обвинител до Судот доставил и посебен предлог со кој побара да се продолжи претходно определениот притвор за обвинетото лице.​