Колку е поголема вредноста на индексот на нестабилност, толку е потурбулентна берзата

Добивај вести на Viber

Тимот на Генерали Инвестментс подготви резиме за актуелните настани кои влијаат врз пазарите на капитал.

Немаше поголеми потреси на пазарите за време на празничните скратени берзански настани во изминатата недела. Главните берзански индекси се во рамките на воспоставениот тренд кој останува непроменет повеќе од 5 месеци. Тие полека и постојано добиваат на вредност.

Се повеќе се зборува за т.н берзански меур

Со високи индексни приноси се повеќе се зборува за т.н берзански меур. И покрај фактот што вреднувањата се над долгорочните просеци, макроекономските податоци и корпоративниот профит успешно ги следеа многу високите очекувања на инвеститорите во последните квартали. Оценките се високи за мал број акции, кои имаат многу голема тежина во берзанските индекси, но сепак значително пониски отколку кај најпознатите берзански меури во минатото. Поради многу успешните операции и технолошките пробиви на некои од најголемите американски компании, концентрацијата на најголемите компании во рамките на индексите е на историски високо ниво. Од друга страна, вреднувањата во повеќето други пазарни сегменти остануваат многу поумерени. Инвеститорите исто така можат да го искористат ова за да го намалат ризикот и да пренесат дел од профитот од технолошките компании на други сегменти на пазарот, каде вреднувањата се многу поумерени.

Зголемени се шансите ЕЦБ да ги намали клучните каматни стапки пред летото

Прелиминарните податоци од некои европски земји потврдија дека инфлацијата продолжува да се ублажува, a во март изнесуваше 2,3% во Франција, 1,3% во Италија и 3,3% во Шпанија. Со најновите податоци се зголемија шансите ЕЦБ да ги намали клучните каматни стапки пред летото. Но, и покрај фактот што општата инфлација е веќе блиску до целните вредности, постојат некои фактори кои ги комплицираат одлуките на европските централни банкари. Тоа е првенствено растот на платите што ја поттикнува инфлацијата во услугите, каде што инфлацијата во февруари и натаму беше 3,9%. Дополнително, во ЕЦБ, барем со едно око ќе внимаваат на потезите на нивните колеги од американската ФЕД, каде што инфлацијата останува потврдоглава. ЕЦБ не може да си дозволи претерано отстапување од американската централна банка, бидејќи тоа би го ослабело еврото и индиректно ќе има негативно влијание врз инфлацијата. Вредноста на еврото моментално е 1,07 американски долари, а со растот на доларот веќе делумно укажува на поголема веројатност за намалување на каматните стапки во Европа во однос на САД. Најновите податоци за економската активност од САД се исто така многу подобри отколку во Европа. Индикаторите на PMI за производство во САД се повторно над 50, што укажува на раст во индустријата и производството, а не само во услугите. Ова уште повеќе ќе му отежне на ФЕД во одлуката за каматната политика.

Јенот минатата недела падна на најниско ниво во однос на доларот од 1990 година

Интервенцијата на девизниот пазар, со која јапонската влада би ја стабилизирала домашната валута, изгледа поблиску. Јапонија првично треба да ја брани вредноста на својата домашна валута со продажба на девизни резерви во вредност до околу 25 милијарди американски долари. Падот на јенот, сепак е мелница на најголемите домашни компании, од чија продажба голем дел е извозот. Како резултат на тоа, централниот јапонски берзански индекс, Nikkei, забележа вистински бум во последните месеци. Но, од друга страна, слабиот јен и како резултат на тоа, повисоките трошоци на увезените суровини и стоки, имаат негативно влијание врз помалите домашни компании и потрошувачи.

СОВЕТИ ЗА ИНВЕСТИТОРИТЕ

Централните банки продолжуваат да ги држат пазарите во неизвесност и се грижат очекувањата да не бидат премногу високи. Намалувањата на каматните стапки се оддалечуваат бидејќи економскиот раст останува стабилен, но нерамномерно распределен, а инфлацијата е нешто полеплива од очекуваното. Пазарите на капитал очекуваат побрзо и поголемо намалување на каматните стапки отколку што предвидуваат централните банки, а тоа се оправдува со макроекономските податоци. Овој јаз во прогнозите и очекувањата претставува ризик за пазарите и може да донесе корекции на истите. Технолошките мегатрендови особено ја одржуваат берзата привлечна за инвеститорите.

Пазарите на капитал ќе бидат под поголемо влијание на претстојните претседателски избори во САД. Конкретно Трамп веќе ја вознемирува јавноста надвор од САД со своите најави за значително поизолационистичка политика и нови трговски ограничувања, особено во односите со Европа. Сите три работи, политиката на централната банка, претстојните избори и слабиот економски раст во некои региони носат неизвесна прва половина од годината на пазарите на капитал, што ќе можат да ја искористат инвеститорите кои знаат и умеат да гледаат надвор од краткорочните флуктуации. Долгорочните технолошки, економски и социјални трендови остануваат клучни.

Глобално диверзифицирано портфолио со комбинација од акциски и комбиниран фонд како што е Генерали Америка и Генерали Топ Брендови и паричниот фонд Генерали Кеш Депозит, е најдобриот одговор на предизвиците што ги носи 2024 година. Комбинацијата на вложувања во обврзници и акции во моментов ја претставува вистинската комбинација на принос и безбедност. Одржуваме диверзифициран пристап со периодични зголемувања на инвестициите. Низ историјата, ова се покажа како најдобриот пристап, бидејќи го избегнува ризикот од купување на инвестицијата на врвот.

Здравството останува поволно вреднувано, а во исто време се поврзува со некои добри приказни, како што е влез на вештачката интелигенција во здравството и лекот за дебелина. Технолошките акции, особено на големите светски компании, остануваат високо вреднувани и се почесто го слушаме зборот меур. Технологијата претставува натпросечен раст во структурата на целиот пазар и на тој начин ја одржува инвестициската атрактивност, додека во исто време вреднувањата не се на нивоата што ги видовме во минатите меури. Околу фондот Генерали БРИК, одржуваме шпекулативна препорака за купување бидејќи сè уште веруваме дека кинеската централна влада ќе биде принудена да направи многу повеќе за да ги смени лошите економски трендови и пазарот брзо и силно ќе реагира на оваа вест. Последните движења покажуваат дека дека сме во процес на формирање на дното бидејќи макроекономските податоци донекаде се подобруваат, иско како и довербата на потрошувачите. Овој процес може да потрае со месеци, а како што се приближуваат изборите во САД, нестабилноста веројатно ќе се зголеми, но исто така се зголемува и можноста кинеските креатори на политиката конечно да направат некои проекономски потези.