10 Декември, 2018
0.3209
    ALK 8149.06    0.8%     GRNT 810.87    1.36%     KMB 4932.79    2.35%     MPT 46443.88    0.75%     MTUR 4850    -0.58%     MZPU 607    0%     OHB 6545.4    1.52%     PTRS 3075    0%     RMDEN16 97    1.04%     RMDEN17 96.5    0%     RZLV 68    0%     SBT 1802    -7.59%     STB 1278.3    1.18%     STIL 121    0.83%     TEL 295    0%     TNB 13999.97    0%     TTK 1233    -0.91%

Колку ќе кошта автопатот Кичево - Охрид?

Објавено во: Економија 09 Октомври, 2018

Пред потпишување на анексот со кој ќе продолжат работите „Фактор“ побара одговор од Владата што значи дека се заштедени меѓу 70 и 100 милиони евра и дали за 10 отсто ќе се зголеми сумата за изградба на овој автопат кој сега чини 374 милиони евра

Колку пари ќе треба да платиме дополнително за автопатот Кичево – Охрид? Ова е прашањето што се наметна по слушање и гледање на изјавата на вицепремиерот Кочо Анѓушев кој пред три дена соопшти дека ја средиле техничката документација и со тоа нашата страна во преговорите значајно ја подобрила својата преговарачка позиција.

Во својата изјава Анѓушев потенцираше дека ќе бидат заштедени помеѓу 70 и 100 милиони евра во однос на тоа што како доплата за дополнителни и непланирани работи го побарале изведувачите од Кина. Медиумите кои ја пренесоа изјавата на Анѓушев јавија дека разликите во цени меѓу кинескиот изведувач и македонските компании била над 50 отсто и дека сега таа е намалена на 10 отсто согласно со меѓународните фидик тарифи.

И по изјавата останува нејасно колку всушност пари ќе чини овој автопат со новиот анекс договор што треба да биде потпишан наскоро по завршувањето на преговорите меѓу двете страни: македонската влада и кинеската компанија СИНОХИДРО. Со цел целосно и објективно информирање на јавноста „Фактор“ пре два дена достави прашања до вицепремиерот Анѓушев и од Сугарески, министерот за транспорт и врски побара да добиеме конкретна информација за тоа дали ќе биде зголемена крајната сума на чинење на автопатот и за колкав износ ќе биде поголема таа сума.

Доколку добиеме одговори на овие прашања ќе ги објавиме во целост. 

Во врска со преговорите Анѓушев ја даде следната изјава:

-Мислам дека вредеше да се почека и овој пат да се стави и технички и финансиски во исправна состојба, да не правиме непотребни и непродуктивни трошења на средствата од граѓаните на Република Македонија. Направивме широки консултации, вклучивме широки технички и финансиски тимови, за да бидеме сигурни дека тоа што го правиме и од технички и од финансиски аспект е издржано. Со новиот пред-анекс којшто се очекува да се усвои, дефинитивно ќе се решат сите проблеми, а тоа значи дека ќе се направи јасна динамика според која ќе се врши експропријација, ќе се направи јасна динамика која ќе се стави гантограм по којшто ќе се извршуваат работите на автопатот. Тоа значи дека никој нема да ги толкува работите слободно, истите ќе се извршуваат како што налагаат фидик пропозициите и како што налагаат техничките критериуми“, дополни Анѓушев.

Првичната сума на која беше склучен овој договор е 374 милиони евра и проектот ќе се финансира со кредит од кинеската извозна банка ЕКСИМ и со средства на Агенцијата за државни патишта која е инвеститор на проектот. За овој договор СЈО поведе истрага и покрена обвинителен акт кој беше прифатен и за кој се води судски процес популарно наречен „Траекторија“ во кој првоосмичен е поранешниот премиер Никола Груевски кој заедно со министрите Миле Јанакиевски и Владимир Пешевски се осомничени се проневериле 155 милиони евра буџетски средства.

 Р.Ф.

Можеби ќе ве интересира

ТИЕ СЕ НАЈБОГАТИ ВО ЕУ: Имаат минималец од 2.000 евра

ТИЕ СЕ НАЈБОГАТИ ВО ЕУ: Имаат минималец од 2.000 евра

ПАЃААТ ЦЕНИТЕ: Од ноќеска возачите ќе полнат резервоари со бензин и дизел по овие цени

ПАЃААТ ЦЕНИТЕ: Од ноќеска возачите ќе полнат резервоари со бензин и дизел по овие цени

Двојното поскапување на паркингот на дневен ред

Двојното поскапување на паркингот на дневен ред

УЈП распродава возила, компјутери, мотоцикли по евтини цени

УЈП распродава возила, компјутери, мотоцикли по евтини цени

Колку пари вртат адвокатите кои бранат обвинети од СЈО?

Колку пари вртат адвокатите кои бранат обвинети од СЈО?

Колку заработуваат адвокатите кои ги бранат обвинетите од СЈО?

Колку заработуваат адвокатите кои ги бранат обвинетите од СЈО?

Колку пари прават адвокатите кои бранат обвинети од СЈО?

Колку пари прават адвокатите кои бранат обвинети од СЈО?

Македонец е еден од најдобрите менаџери во Бугарија: Не е толку едноставно да се преселиш

Македонец е еден од најдобрите менаџери во Бугарија: Не е толку едноставно да се преселиш

Неконтролирани грантови: Компјутери и бироа за во фирма или за по дома?

Неконтролирани грантови: Компјутери и бироа за во фирма или за по дома?