КОМИСИЈА ЗА ХАРТИИ ОД ВРЕДНОСТ: Ниту ни побарале, ниту сме дале дозвола на Коста Костовски за неговиот фонд
Објавено во: Финансии 09 Декември, 2020
Комисијата за хартии од вредност на Република Северна Македонија ја известува јавноста дека од Друштво за управување со приватни инвестициски фондови „Глобал Инвестмент Корпорејшн" - Доо Скопје до Комисијата за хартии од вредност досега нема поднесено никакво барање, па оттука и во овој момент пред Комисијата за хартии од вредност не се води никаква постапка.
„Друштвото за управување со приватни инвестициски фондови „Глобал Инвестмент Корпорејшн" - Доо Скопје е основано на 20 ноември, 2020 година, а уписот на основањето е извршен во Централниот Регистар на РСМ, за што согласно Законот за инвестициски фондови не е потребна дозвола за работење, дозвола за именување на директор или претходна согласност од страна на Комисијата за хартии од вредност“, соопштија од КХВ.
Заради правилна и доследна примена на законите, оттаму апелираат да се прави разлика во поимите, статусот и надлежноста на друштво за управување со инвестициски фондови и друштво за управување со приватни инвестициски фондови.
„Имено, согласно Законот за инвестициски фондови, за разлика од друштвата за управување со инвестициски фондови, друштвата за управување со приватни фондови, каков е и статусот на посоченото друштво од страна на Здружението на оштетени штедачи од Еуростандард банка, при нивното основање не доставуваат барање за дозвола за работење до Комисијата за хартии од вредност, ниту пак Комисијата е надлежна да издава согласност на управителите (директорите) на друштво за управување со приватни инвестициски фондови.
Единствено, согласно член 93 став 2 од Законот за инвестициски фондови, Комисијата за хартии од вредност врши запишување на приватните фондови со кои управува друштвото за управување со приватни инвестициски фондови и тоа во Регистарот кој го води Комисијата на својата веб страница, но во овој момент нема ниту такво барање до Комисијата за хартии од вредност“, информираат од Комисијта за хартии од вредност.
Можеби ќе ве интересира
ВАЖНА ВЕСТ ЗА АКЦИОНЕРИТЕ НА НЛБ БАНКА - ќе се дели богата дивиденда, еве колку таа ќе изнесува по акција
ГАЗДИТЕ НЕ ГИ ИНТЕРЕСИРА ИСКУСТВОТО, ВАЖНО Е ДА САКААТ ДА РАБОТАТ: Овие два занаети се плаќаат повеќе од 150.000 динари месечно во Србија
ФАРМАЦЕВТ ВРТИ МИЛИОНИ ОД МАСЛИНКИ: Зошто дивее цената на маслиновото масло?
ЗА СМЕСТУВАЊЕ ВО ПОДРУМ БАРААТ ДУРИ 1.300 ЕВРА: Нудат непостоечки апартмани, Грција годинава пресолена, посебно сега за празниците
НАВАЛА ОД СТРАНСКИ РАБОТНИЦИ ВО ХРВАТСКА: Годинава се очекуваат над 200 илјади
ЧИСТАЧКИ И НЕГУВАТЕЛКИ РАБОТАТ ЗА МИЗЕРНА ИЛИ НИКАКВА ПЛАТА: Најчесто работат на црно, без никаква заштита
И ВО ПЕНЗИЈА НА РАБОТА: Сè повеќе трговски синџири бараат исклучиво пензионери
И СТОПАНСКА БАНКА БИТОЛА ПОТВРДУВА: Се разгледува можноста за присоединување кон Комерцијална банка
Е СЕГА Е НАВИСТИНА СЕРИОЗНО: Комерцијална банка почнува длабинска анализа на Стопанска Битола за да се одлучи за можно присоединување
