Се бараат избори и експертска Влада: Кон што води откажувањето на лидерската средба

Добивај вести на Viber

Лидерска средба најверојатно нема да има. Извори од СДСМ синоќа брифираа дека лидерот Зоран Заев им соопштил на сопартијците дека форматот на средбата без присуство на опозициската ВМРО-ДПМНЕ нема смисла. 

Претходно во денот, а пред Централниот одбор на СДСМ, од најголемата опозициска партија соопштија дека претседателот на партијата, Христијан Мицкоски нема да учествува на ваква средба со образложеие дека единствено ќе прифати да разговара за закажување предвремени парламентарни избори. 

Заев пак, ја закажа лидерската за да се зборува за Изборниот законик, за пописот и за Законот за обвинителство. Денеска ќе стане појасно кои ќе биде исходот од оваа ситуација и како лидерите на партиите ќе ги усогласуваат ставовите или земјата ќе влезе во нова политичка криза и ќе оди кон нови избори.

Инаку и пред откажувањето на средбата стана јасно дека предвремени избори бара и лидерот на Алијансата за Албанците Зијадин Села. Тој смета дека треба да има експертска влада, а новиот шеф на СЈО да биде странец од земја од Европската унија.

Експертска влада побара и Арбен Таравари од Алијанса на Албанците 

„Како никогаш до сега итно и неодложно е потребно да се формира ЕКСПЕРТСКА (непартиска) Влада, барем да се започнат преговорите со ЕУ оваа година, напиша  Таравари на Фејсбук.