Мандатот за составување Влада ќе го дава новоизбраниот претседател
Објавено во: Македонија 01 Мај, 2024
Новоизбраниот претседател по изборите на 8 мај ќе го дава мандатот за состав на Влада на оној кој ќе биде најблиску до тоа.
Тоа значи дека или актуелниот претседател Стево Пендаровски или неговиот конкурент во трката за шеф на државата - Гордана Силјановска Давкова, во зависност од тоа кој ќе освои повеќе гласови, ќе го повикаат мандатарот.
Парламентарните избори се истовремено со претседателските на 8 мај, но процесот за конституирање на Собранието и евентуално договорање коалиции и составување на Влада се очекува да трае многу подолго.
По 20 дена откако ДИК ќе констатира дека се завршени изборите, а потоа претседателот има рок од 10 дена да го даде мандатот откако ќе се конституира Собранието.