Добивај вести на Viber
Шефицата на канцеларијата на невладината организација за човекови права Амнести интернешнл во Украина, Оксана Покалчук, денеска изјави дека поднела оставка.
Таа ја обвини организацијата дека ја спроведува пропагандата на Кремљ во контроверзниот извештај во кој АИ го критикуваше одговорот на Украина на руската инвазија.
Во четиримесечниот извештај беше наведено дека украинската армија често се задскрива зад цивили и така ги доведува во опасност. Ја обвини армијата на Украина за користење цивилни објекти како училишта и болници за воени бази, како и за започнување напади од населени области, тактики што се спротивни на меѓународното хуманитарно право. -Доколку не живеете во земјата која е нападната од окупатори, кои сакаат да ја растурат, веројатно не разбирате како е да ја обвинувате армијата на бранителите. И со ниту едни зборови, на ниту еден јазик, нема да можете да му објасните на некој што не доживеал ваква болка”, наведе Покалчук во образложението на својата оставка.