КОЅИЈАС ГО СТОКМИ ПРЕДЛОГОТ: Кога доаѓа во Скопје?

Добивај вести на Viber

Нацрт-предлогот за решавање на спорот за името со седум точки, грчкиот министер за надворешни работи Никос Коѕијас ќе го донесе неделава во Скопје, слетувајќи на меѓународниот аеродром „Скопје“, пишува грчкиот весник „Катимерини“.

Според „Катимерини“ предлогот за решение е комплетен, содржи одговори на сите поединечни прашања што се однесуваат на односите на двете земји, но и за перспективата на Македонија во меѓународните организации.

Весникот пишува дека името, опсегот на неговата употреба, јазикот, идентитетот, трговските марки, кратенките и акронимите се седумте точки што ги содржи нацрт спогодбата.

Медиумите во Грција пишуваат дека македонскиот премиер, Зоран Заев ставил вето за промена на Уставот и за име без превод. Предупредуваат да бидеме внимателни во очекувањата за прашањето со името.   Грчкиот весник То Вима повикувајки се на кругови од грчката дипломатија, објавува  „Мали очекувања за решавање на името со ПЈРМ“. Ова го поткрепува со ставот дека разликите меѓу двете страни, за одредени точки сѐ уште се многу големи.