Креативната индустрија е важна за развојот на регионот
Објавено во: Мои пари 30 Октомври, 2018
Минатата недела во Белград, во присуство на водечките имиња од маркетиншкиот свет кои работат во европските и американските агенции на МcCann, беше одржана првата работна конференција на која се дискутираше за иднината на креативната индустрија. На дводневниот настан се дискутираше за предизвиците на брзиот технолошки развој кои стојат пред маркетингот, како и влијанието на локалната култура во креирањето на кампањите за брендовите.
Основачот на I & F McCann Group и домаќин на настанот, Срѓан Шапер, истакна дека оваа средба претставува можност за размена на искуствата и мислењата за иднината на маркетингот.
"Средбите од ваков вид претставуваат одлична можност да зборуваме за понатамошниот напредок на агенциите, за на што подобар начин да придонесеме кон надминување на деловните предизвици на нашите клиенти, како и размена на вработените во рамките на агенцијата McCann. Во глобалното општество, каде што не постојат граници, луѓето сè побрзо се поврзуваат и креираат добри идеи што произведуваат резултати. Како да се биде ефикасен е честа тема на нашите состаноци, а прв пат за тоа сите отворено дискутиравме во Белград, за што сум горд, бидејќи креативната индустрија е исклучително важна за економијата во регионот ", рече Срѓан Шапер.
Главните заклучоци кои произлегоа од дискусијата беа потенцирани и од Претседателот на Global Clients & Business Leadership McCann Worldgroup, Нанет Дуфор и Марк Лунд, главен извршен директор на McCann Worldgroup Велика Британија, кои ги истакнаа предностите од големината на McCann и во поглед на учењето и размената на искуствата, но и синергијата при адаптирањето потребите на меѓународните брендови за локалните потреби.
Исто така, главната поента на оваа дискусија беше и развојот на самата идеја како постулат на успешните маркетинг кампањи и стратегии, како клуч за успехот и константа која не се менува, особено во способноста паметно да се прилагоди идејата во современото дигитално живеење.
I & F McCann Групацијата покажа дека нашиот регион е важна точка во светскиот маркетинг и дека деловните предизвици се исти, без оглед на пазарот во кој делуваат компаниите.
Можеби ќе ве интересира
Дали се сеќавате на оваа игра? Би ја играле и денес?
Осум каратисти на „Макпетрол“ ќе учествуваат на Европскиот Шампионат во Хрватска
Посакувам да бидеме дел од трите регионални финалисти на „Рамка за помош“ на НЛБ Групацијата и токму нашиот проект да стане реалност: Сашко Јованов од Здружението за поддршка и развој „Хуманост“
Мило ми е што НЛБ ја препознаа и поддржаа нашата идеја, средствата ќе бидат наменети во нудење и промоција на бесплатна хипотерапијата низ цела држава: Мариа Дуда за „Кантрисајт Ретрит“
Со нашиот проект „Заедно во инклузивна заедница“ заслужуваме титула регионален победник на „Рамката за помош“ за 2024 на НЛБ Групацијата: Александар Стојановски - Здружение Во Мојот Свет
Со задоволство Ви го преставуваме ГРАНД СКОПЈЕ, како PRIME SPONSOR на Конференцијата за комерцијални недвижности во Скопје, Македонија
Дали ја знаете играта Царица? Можеби ја знаете ама во вашиот град има друго име
Подобрени резултати во првиот квартал поттикнати од извозот и ефектот од вреднување на залихите во услови на зголемени меѓународни цени на горивата
