КРИЗА ВО ПЕРСИСКИОТ ЗАЛИВ: Какви договори прекршил Катар со соседите за да му свртат грб?

Добивај вести на Viber

Причината за кризата во Персискиот залив, пoради која што Саудиска Арабија, Обединетите Арапски Емирати (ОАЕ), Бахреин и Египет ги прекинаа дипломатските односи со Катар, може да се покажат договори, чувани во тајност досега.

Катар склучила серија тајни договори со своите соседи од Персискиот залив во 2013 и 2014 година. Со овие договори и се забрануваше на Доха поддршката на опозициските и непријателски групи во соседните земји, како и во Египет и Јемен.

Постоењето на договорите беше познато, но како нивната содржина, така и самите документи бев чувани во тајност поради природата на прашањата засегнати во нив, и поради фактот дека биле договорни доверливи средби меѓу претседателите. Телевизискиот канал CNN сепак ги добил ексклузивно договорите. Документите се обезбедени од извор од регионот, кој имал пристап до нив.

Земјите од Персискиот Залив го обвинија Катар дека не се придржува кон двете спогодби што објаснува што ја предизвикало најлошата дипломатската криза на Блискиот Исток со децении. Почитувањето на предметниот договор беше меѓу шесте принципи кои земјите од Персискиот Залив минатата недела ги опишаа како барања за подобрување на односите со Катар.

Во соопштението до CNN Катар пак ја обвини Саудиска Арабија и ОАЕ за прекршување на духот на договорот и „неиспровоциран напад врз суверенитетот на Катар“.