Купувале по 450 денари од квадрат, иако реалната цена била 300 евра

Добивај вести на Viber

Времените монтажни објекти на булевар Илинденска во општина Карпош не смеело да бидат предмет на продажба на трите фирми-претприемачи, објави Тони Ангеловски, портпаролот на МВР на денешната прес-конференција по приведувањето на поранешниот градоначалник Стевче Јакимовски и двајца негови соработници.

„Согласно законските одредби не смееле да бидат предмет на правен статус, но сепак од општина Карпош постапиле по барањето и дале согласност за купување на земјиштето и направиле кривично дело злоупотреба на службена положба. Од 2011 до 2017-та превземале дејствија кои не смееле да ги превземат - истакна Ангеловски.

Во пријавата од МВР стои дека се работи за времени објекти, кои биле третирани како да се бесправно изградени обкети. Фирмите се стекнале со ексклузивно пораво да извршат купување на земјиштето, а спротивно од Законот за градежно земјиште.

- Тие не биле бесправно изградени објекти, туку во сопственост на Република Северна Македонија и не биле дел од градежно земјиште. На тој начин службените лица од општина Карпош им овозможиле на Гром-промет, ЕМАК и Дот Мебел  да се стекнат со имот - изјави Тони Ангеловски, портпаролот на МВР на денешната прес-конференција.

Барањето за купување на земјиштето од трите фирми го поднело физичкото лице Д.К. Гром-промет купил 1.533 метри квадрати на перцела која имала вредност од  28 милиони денари. ЕМАК купул земјиште од 722 метри квадратни во 2016-та кое инаку имало вредност од 13 милиони денари. На Дот Мебел му било озвожено откуп по 450 ден од метар квадратен, иако требало да биде 300 евра почетна цена.