Лајен: Германија има бенефит од имиграцијата на романски и бугарски работници
Објавено во: Свет 12 Мај, 2013
Големата имиграција на романски и бугарски работници е добредојдена за земјата, вели германскиот министерката за труд Урсула фон дер Лајен во интервју за германскиот весник „Билд ам зонтаг“.
„Ако сумираме, резултатот е дека ние добиваме од доаѓањето на Романците и Бугарите“, посочува Министерката која додава дека околу 100.000 Романци и Бугари досега се регистрирани како невработени, а околу 120.000 имигранти од тие земји се регистрирани како службеници кои плаќаат социјално осигурување.Фон дер Лајен сепак потврди дека во определени градови може да се појават проблеми со евентуалната миграција на сиромаштијата од Романија и Бугарија, но вели таа, бројот на романските и бугарските невработени е помал од оној на останатите странци.
Според германската министерка, во наредните две години нивото на работна ангажираност меѓу младите под 25 години во Германија треба да се зголеми до сто проценти.