ЛАВРОВ ДЕМАНТИРА: Обвинувањата дека Русија е вмешана во пучот во Црна Гора се неосновани

Добивај вести на Viber

Mинистерот за надворешни работи на Русија Сергеј Лавров ги отфрли како неосновани обвинувањата дека руските власти се вмешани во минатогодишниот обид за пуч во Црна Гора.

Лавров ова го изјавил после тврдењата на британски телеграф дека официјална Москва ланската есен планирала да го убие екс премиерот на Црна Гора Мило Ѓукановиќ и да ја исфрли неговата влада. 

Весникот се повика на неименуван извор во британската влада, кој тврди дека Русија така сакала да го „саботира планот на таа земја да му се придружи на НАТО“.

Таа статија е на иста линија со неосновани обвинувања против нашата земја, вклучувајќи хакерски напади на цел Запад, мешање во изборните кампањи во повеќето западни држави, врски на администрацијата на Трамп со руски специјални служби и многу други. И ниту една од тие неосновани обвинувања не е поткрепена со било каков доказ“, рекол Лавров пред новинарите во Москва коментирајќи го извештајот на британски Телеграф.

Амбасадата на Русија во Лондон претходно го отфрли пишувањето на Телеграф како „лага со зла цел“.