МАЕ: Енергетските цени денес се главоболка, а утре – мигрена

Добивај вести на Viber

Цените на енергенси во Европа ќе останат до три пати повисоки отколку во САД во следните 20 години , освен ако Стариот континент не развие локално производство и не ја зголеми ефикасноста , предупредува главниот економист на Меѓународната агенција за енергија (МАЕ) Фатих Бирол , цитира Ројтерс . Загриженоста меѓу европските држави за влијанието на енергетските трошоци врз нивната тешка индустрија се зајакнуваат, така што некои земји членки на ЕУ разговараат за замрзнување на цените и елиминирање на субвенциите за обновлива енергија. Разликата може да се намали , но ако не бидат преземени нови мерки , цените на гасот во Европа ќе бидат два до три пати повисоки од цените во САД во следните 20 години , изјавил Бирол на состанокот во Брисел . „Конкурентноста ќе биде повеќе од проблем за многу земји . Денес е главоболка . Утре ќе биде мигрена за европските економии , ако не бидат преземени мерки" , истакнал тој. Европската комисија го анализира влијанието на енергетските цени на земјите членки на Унијата и ќе посвети две средби на врвот на енергетиката и конкурентноста во почетокот на идната година. Во јануари ЕК, исто така ќе ги објави енергетските и климатските цели до 2030 година.