МАХИНАЦИИ ВО МНТ: Со чудни одлуки оштетен буџетот

Добивај вести на Viber

Инспектори од организиран криминал ја чешлаат работата на МНТ.

Минатата недела одземале документи од Правната служба од најголемиот национален театар МНТ поради сомнение дека во период од 2015 до 2017 се спроведени незаконски работи со кои е оштетен буџетот, јавија дел од медиумите.

Инспектори од Одделението за борба против организиран криминал постапувале врз основа на Министерството за култура, бидејќи како што пренесоа дел од медиумите, имало индиции дека директорот и поранешниот директор Дејан Пројковски ја злоупотребил положбата и преку сомнителна набавка и  ненаменско трошење на средства во износ од 150 илјади евра.

Наследникот на Пројковски исто така е под истрага, кој потпишал одлука за вработување и распоредување на друго работно место, а полицијата ги барала тие документи.

МВР во овој момент собира и анализира документи и во интерес на истрагата не даваат повеќе детали.

- По налог на Јавно обвинителство, од страна на Одделот за организиран криминал е постапувано во МНТ. Бидејќи станува збор за преткривична постапка во интерес на истрагата не може да се соопштат повеќе детали, велат од МВР .

Сомневањата се дека во периодот од 2015 до 2017 година во театарот се извршени злоупотреби од страна на претходното раководство предводено од директорот Дејан Пројковски.