МАКЕДОНСКИ ДРЖАВЈАНИН ФАТЕН ВО СРБИЈА ВО ОБИД ДА ВНЕСЕ БАГАЖ НАТОПЕН СО КОКАИН: Го откриле цариниците на аеродромот во Белград

Добивај вести на Viber

Педесет и едногодишен македонски државјанин со албанско потекло бил спречен да влезе во Србија на аеродромот „Никола Тесла“ и да шверцува облека која претходно била натопена во кокаин, соопшти денеска српската Царинска управа.

Во соработка со полициската форензика, царинските службеници откриле багаж натопен со кокаин кога овој патник од Еквадор слетал на аеродромот во Белград преку Амстердам.

Соопштено е дека патникот, откако го извадил багажот од подвижната лента, се упатил кон зелениот контролен премин наменет за патници кои немаат што да пријават, но не ја поминал рутинската контрола.

Багажот на споменатиот патник бил одвоен на скенер лоциран во зелениот контролен премин, а кога на апаратот се видела необичната боја на облеката спакувана во куфер, царинските службеници решиле да извршат детален преглед.

Кога патникот го отворил куферот, се почувствувал силен мирис на киселина, а целата облека во куферот била влажна и потешка од очекуваното.

Сомнежот кај цариниците го предизвикал и тоа што меѓу предметите немало средства за лична хигиена и обувки, иако мажот тврдел дека дошол од Еквадор, каде што бил кај пријател 13 дена.

При контролата на цариниците им рекол дека се работи за земја од каде доаѓа висока влажност, а исперените алиштане успеале да се исушат.

Поради сомнение дека гардеробата е натопена со некоја психоактивна супстанца, направен е прелиминарен тест за присуство на наркотици, кој реагирал позитивно, па за случајот веднаш била известена полицијата.

По заплената багажот е испратен на вештачење, а против 51-годишниот маж по редовна постапка ќе биде поднесена кривична пријава, се наведува во соопштението.