25 Март, 2019
0.0231

Македонски Телеком со 16,8 отсто раст на нето добивката за девет месеци

Објавено во: Мои пари 08 Ноември, 2018

Македонски Телеком бележи позитивни трендови во првите девет месеци од работењето. Приходите од продажба бележат зголемување за 1,7 отсто, зголемена е профитабилноста, а компанијата континуирано има пораст на бројот на корисници  на широкопојасен интернет и во IPTV сегментот. 

Оперативната добивка пред камати, оданочување и амортизација (EBITDA) за првите девет месеци од 2018 година е зголемена за 6,7 отсто во споредба со истиот период од претходната година, додека нето добивката бележи раст од 16,8 отсто.

Пораст на бројот на корисници на широкопојасен интернет и IPTV, ширење на оптичката мрежа

По одреден период на стагнација, почнувајќи од минатата година компанијата бележи позитивен пресврт на трендот на движење на корисниците на широкопојасен интернет. На крајот од првите девет месеци од 2018 година, вкупниот број на корисници  на широкопојасен интернет е зголемен за 1,7 отсто споредено со истиот период минатата година и изнесува 192,7 илјади. 

Продолжува трендот на зголемување и на IPTV корисници (вклучувајќи Magenta 1, Интернет&ТВ и други ТВ услуги) за 8,7 отсто во споредба со истиот период од претходната година што резултира со база од 124,1 илјада корисници на крајот од првите девет месеци од 2018 година. Според интерните проценки, Македонски Телеком има 29,7 отсто удел од вкупниот ТВ пазар. 

Македонски Телеком продолжи со инвестициите во оптичката мрежа насекаде низ државата за да ја донесе најнапредната технологија поблиску до корисниците, со што има пораст на семејствата покриени со оптички пристап од 11 отсто, споредено со истиот период од минатата година. Па така, како резултат на континуираното ширење на оптичката мрежа, на крајот од првите девет месеци од 2018 година, дури 30 отсто од домаќинствата во Македонија имаат пристап до оптика од Македонски Телеком и можност за користење на супер брз интернет.

Зголемен уделот на пост пејд претплатници во мобилната мрежа, пораст на приходите од неговорни услуги

Во првите девет месеци, Македонски Телеком успеа да го зголеми уделот на постпејд претплатници во сопствената мобилна мрежа. Па така, на крајот од првите девет месеци од 2018 година компанијата има 1.236 илјади претплатници или удел од 49 отсто на пазарот на мобилната телефонија, според интерна проценка. Приходите од неговорни услуги на крајот од првите девет месеци од 2018 година се зголемени за 12,6 отсто во споредба со истиот период од претходната година, како резултат на зголемените приходи од мобилен Интернет и поголем GPRS сообраќај, како и зголеменото користење на податочни тарифни модели.

„Македонски Телеком оствари одлични финансиски резултати, кои се во континуиран пораст во однос на истиот период минатата година. Успеавме да го зголемиме уделот на постпејд претплатници во сопствената мобилна мрежа, а како резултат на атрактивните понуди во летниот период, остваривме значителен успех и во припејд сегментот. Нашата стратешка иницијатива за забрзување на фиксниот сегмент и овозможувањето атрактивни и ексклузивни ТВ содржини, придонесе за раст на корисниците на фиксен широкопојасен интернет и зголемување на бројот на Magenta 1 корисници, единствен конвергентен продукт којшто е креиран согласно потребите на сите членови на семејството. 

Како предводници на дигиталната транформација, во наредниот период ќе се фокусираме на обезбедување иновативни производи и услуги, со цел да ги задоволиме потребите и барањата на нашите корисници. Очекуваме дека  годината ќе ја завршиме според планот и ќе го потврдиме трендот на раст на финансиските резултати“, изјави главниот извршен директор на Македонски Телеком, Никола Љушев. 

Можеби ќе ве интересира

Утре без вода овие скопски улици

Утре без вода овие скопски улици

Меѓународниот факултет на Универзитетот Шефилд, Сити Колеџ започна кампања за регрутирање и упис на нови студенти

Меѓународниот факултет на Универзитетот Шефилд, Сити Колеџ започна кампања за регрутирање и упис на нови студенти

Експерти од водечките арбитражни центри-Лондон, Париз, Цирих, Виена и регионот на конференција во Скопје

Експерти од водечките арбитражни центри-Лондон, Париз, Цирих, Виена и регионот на конференција во Скопје

Макпетрол АД добитник на три признанија во рамките на 6-от Регионален самит на претприемачи од Централна и Југоисточна Европа (РСП) „300 БЕСТ“

Макпетрол АД добитник на три признанија во рамките на 6-от Регионален самит на претприемачи од Централна и Југоисточна Европа (РСП) „300 БЕСТ“

Иво Лауренчиќ постхумно прогласен за креатор за навек во регионот

Иво Лауренчиќ постхумно прогласен за креатор за навек во регионот

Нина Николиќ: Со дигитализација на стартап еко-системот ќе бидеме пиoнери во регионот

Нина Николиќ: Со дигитализација на стартап еко-системот ќе бидеме пиoнери во регионот

Виз Ер Скопски маратон изненадува со секој чекор – нови медали за штафетен маратон, прекрасни маици и бесплатни групни тренинзи

Виз Ер Скопски маратон изненадува со секој чекор – нови медали за штафетен маратон, прекрасни маици и бесплатни групни тренинзи

Пробиотски јогурт – неизоставен сојузник во забрзувањето на метаболизмот

Пробиотски јогурт – неизоставен сојузник во забрзувањето на метаболизмот

Успешен завршеток на четвртата хуманитарна трка за деца со Даунов синдром

Успешен завршеток на четвртата хуманитарна трка за деца со Даунов синдром