Македонските цивили меѓу највооружените во светот

Добивај вести на Viber

Иконографија: Ал Џезира

На крајот на 2017 година во светот имало повеќе од една милијарда парчиња огнено оружје во 230 земји и автономни региони низ светот, според истражувањето на Женевскиот Институт за меѓународни студии.

Од тој број, 857 милиони единици се во сопственост на цивили, или 84,6 проценти.

Армијата низ светот има 133 милиони единици, или 13,1 отсто, додека полицијата како орган за безбедност има 22,7 милиони огнено оружје, или вкупно 2,2 проценти.

По вкупниот број на огнено оружје бројките доминираат во САД, чии државјани поседуваат дури 393 милиони огнено оружје, односно 40 проценти од целокупното оружје во светот.

На второ место е Индија со 71 милион парчиња и Кина со речиси 50 милиони единици.

БиХ 11-ти во светот, Косово на 18-то место

Сепак, многу подобар показател е процентуалната застапеност, односно бројот на оружје на 100 луѓе.

И тука на врвот на листата е САД со 120,5 парчиња оружје на 100 жители.

Второ место е Јемен - 52,8 парчиња оружје на 100 жители.

Црна Гора и Србија се трети, односно четврти во светот и први во Европа кои имаат оружје во сопственост на граѓаните - 39,1 на 100 жители.

Босна и Херцеговина е на 11-то место, со 31,2 парчиња, а Македонија е на 13 место со 29,8 парчиња оружје на 100 жители.

На листата на 25 највисоко рангирани држави е Косово; кое е на 18. место, со 23.8 парчиња на 100 жители.