Макпетрол: Јавното здравје зависи од сите нас, секој е одговорен
Објавено во: Мои пари 28 Март, 2020
Справувањето со пандемијата на вирусот КОВИД-19 зависи од сите нас. Ова е борба на секој од нас, борба што може да ја добиеме само заеднички како општество.
Макпетрол АД постојано работи на обезбедување на безбедни услови за вработените и потрошувачите. Затоа, апелираме и инсистираме на строго почитување на донесените мерки со цел да обезбедиме ефикасно, безбедно и професионално функционирање и во новонастанатите услови.
Бензинските станици на Макпетрол АД редовно се дезинфицираат и вработените ги применуваат мерките за спречување на ширењето на коронавирусот, но неопходно е сите да придонесеме преку доследно следење на препораките.
Максималниот број на присутни во продавниците се ограничува до три лица, а кафематите се ставаат надвор од употреба. Секој е одговорен и може да придонесе кон поголема заштита на сите. Затоа, при посета на бензинските станици придржувајте се кон ограничувањето за максималниот број на присутни во продавницата и држете растојание од најмалку 1,5 метри додека се чека ред за каква било услуга.
Апелираме до сите да бидат стрпливи, да се почитуваат советите кои ги даваат продавачите и да внимаваат на хигиената кога влегуваат и излегуваат од бензинските станици. Притоа, уште еднаш ги потсетуваме потрошувачите да не се ракуваат и да не ги допираат носот, очите и устата.
Со заедничка посветеност и почитување на препораките ќе успееме да ги надминеме сите предизвици. Затоа, уште еднаш апелираме до граѓаните да ги почитуваат мерките за заштита донесени од Владата, Министерството за здравство, како и од Светската здравствена организација.
Останете дома и придонесете кон сопствената заштита и заштитата на сите останати.
Јавното здравје е заедничка одговорност!
Можеби ќе ве интересира
Успешен и профитабилен прв квартал од 2024 за НЛБ Банка
АСО: Неоправдано поскапување на задолжителното автомобилско осигурување
ТРИКРАТНИОТ ШАМПИОН ИГОР ИЏЕ СТЕФАНОВСКИ ВО ПОХОД ПО НОВА ЕВРОПСКА ТИТУЛА
„A1 Academy” заокружи уште еден успешен модул – Бизнис аналитика
Хуманитарен велигденски настан во Веро центар за лицата со церебрална парализа
Караванот „Не е до нив, до тебе е“ утре патува во Скопје и во Охрид
ВЕЛИГДЕНСКИ БОНУСИ ВО ПРОГРАМАТА ЗА ЛОЈАЛНОСТ НА 2win.мк
Прашања од граѓански организации до политичките партии пред следниот изборен круг
„Позитивниот избор од НЛБ Банка многу не израдува, тоа е потврда дека со нашата активност сме на вистинскиот пат“: Роберт Петрушевски еден од финалистите на пороектот на НЛБ „Рамка за помош“
