Марин Ле Пен: Франција да си биде господар, да не членува во ЕУ!
Објавено во: Свет 13 Јануари, 2017
Според десничарката Марин Ле Пен Франција треба сама да си е господар и да не се занимава со глобализациските проблеми, да не членува во Европската унија и нејзините граници да не се отворени.
Франција ќе се приклучи на САД и Русија во глобалната борба против исламистичките екстремисти. Џебовите на француските граѓани ќе се полни не со евра, туку со франци. Границите ќе се толку сигурни и илегалната имиграција повеќе нема да го создава стравот од терористички напади и тоа да одлева средства од државните каси, пишува Асошиејтед прес.
Тоа видување станува привлечно за избирачите кои некогаш се чувствувале одбиени од имиџот на антиимигрантската партија на Ле Пен како храм на расисти и антисемити. Таа стана водечки кандидат за претседателските избори во Франција напролет.
Серијата крвави екстремистички напади, невработеноста од 10% и разочарувањето од традиционалните политичари во Франција помогнаа на партијата која Марин Ле Пен ја води, да се реформира и да оди напред во лов на гласови.
Според претходните анкети Марин Ле Пен ќе биде еден од двајцата главни претенденти за претседателската функција. Другиот е поранешниот премиер, Франсоа Фијон - конзервативец, кој сака да го намали бројот на државните службеници и да ги скрати финансиите од државното здравство.