Медицинска сестра убивала пациенти поради банална причина
Објавено во: Свет 11 Јули, 2018
Ајуми Кубоки на 31 годишна возраст е медицинска сестра од Јапонија, која е уапсена под сомнение дека убила 20 пациенти за да не умрат кога таа била на смена.
Кубоки во полиција рекла дека ја забрзувала смртта на пациентите за да починат во смена на друга медицинска сестра, а не во нејзината бидејќи не сакала да им ја соопштува тажната веста на семејствата, објави весникот „Асахи шимбун“.
Наводно ги труела пациентите, постари луѓе, ставајќи им антисептичен раствор во интравенозните системи, во болницата Огучи, во близина на Токио, во 2016 година.
Во болницата должност на медицинските сестри е да им ја соопштуваат веста за смртта на пациентот на блиските, ако почине додека се на нивна смена.
„Ќе беше тешко таа одговорност да ми паднеше мене“- кажала Кубоки на инспекторите.
Инспекторите нашле мали траги од прободување со игла на кесите. При анализа на униформите на сестрите во тоа одделение, откриле дека само на една има траги од антисептик околу џебот – таа на Кубоки.
Кубоки наводно признала дека убила 20 пациенти, но нагласила дека мета ѝ биле само оние што биле навистина многу болни.
Но, од полицијата велат дека таквата изјава е сомнителна, затоа што еден од починатите пациенти не бил смртно болен.