Меркел и Курц бараат решение за Сирија - какви се нивните ставови?
Објавено во: Свет 18 Април, 2018
Австрискиот канцелар, Себастијан Курц, и германската канцеларка Ангела Меркел, се согласни дека конфликтот во Сирија не може да се реши со војна.
Двајцата лидери разговарале телефонски, а Курц рекол дека мора да направат сѐ што можат за да спречат понатамошна ескалација во Сирија. Тој верува дека сега е време да се поттикне дипломатски мировен процес.
Меркел и Курц ја споменале можноста за мерки за воспоставување доверба и дипломатска иницијатива за мирољубиво решение на конфликтите во Сирија.
Курц потенцирал дека Австрија му понудила целосна поддршка на специјалниот пратеник на ОН за Сирија, Стафан де Мистура во организирањето на мировните преговори, имајќи ја пред вид „долгата традиција на Австрија како место за дијалози и како градител на мостови за поврзување“.