Мицкоски: УСБ-стик може да е кај Палевски, но може и да е во Обвинителството
Објавено во: Македонија 18 Декември, 2019
Христијан Мицкоски, лидерот на ВМРО-ДПМНЕ, на денешната прес-конференција одговарајќи на новинарско прашање рече дека постои УСБ-стик со компромитирачки материјали за личности од политичкиот врв во врска со аферата „Рекет“, но дека не може да потврди во чии раце се наоѓа истото, односно дека е можно да биде кај Љупчо Палевски, но и кај Јавното обвинителство.
Политичкиот активист Љупчо Палевски - Палчо, познат како дел од движењето за бојкотирање на референдумот за промена на уставното име, од пред три месеци е притворен во Белград во моментот кога сакал да се качи во авион и да отпатува во Москва. Станува збор за активирана потерница од Хрватска и последно што се знае за него е дека членот на партијата „Глас за Македонија“ на Солза Грчева е во екстрадиционен притвор,
- Исто јас сум слушнал дека постојат таков вид на материјали. Дека постоиу УСБ-стикче кое во судството е заведено под број НСКРО74/17 и дека на тоа стикче има доста работи со кои треба да се позанивама македонската јавност, но сепак јас немам потврдени информации, рече Мицкоски.
Претседателот на најголемата опозициска партија додаде дека постои гласина дека тоа стикче е најдено во моментот кога се вршел претрес кај еден од осомничените во Рекет 1 и дека се наоѓа во Обвинителството.
- Ако е ова вистина, тогаш може да се каже дека правосудството, како што велеше Зоран Заев, од „Сваровски“, се претворило во „Луј Витон судство“, додаде Мицкоски.