Мицотaкис за името: Ципрас повторно игра на картата поделба

Добивај вести на Viber

Лидерот на опозициската Нова демократија, Кирјакос Мицотакис, кој испрати остри критики до грчката Влада за начинот на кој ги води преговорите за името.

Обвини дека Ципрас повторно игра на картата поделба, бидејќи сакал да направи поделба во опозицијата, но не му успеало, а истото сакал да го стори и со народот „кога на почетокот ги нарече радикални десничари оние што учествуваа во протестите“.

Според него, Владата без план и без гаранции тргна да даде сѐ, а доволни и беа само два симболични потези, преименувањето на автопатот и аеродромот. 

Мицотакис рече дека Ципрас, наместо да создаде консензус и поддршка од опозициските партии, формирајќи една заедничка линија, одбрал прашањето за името да го искористи за партиски интереси.

Според него, преговарањето на Владата уште од почеток беше погрешно. 

„Дури и основните прашања за иредентизмот и промената на Уставот ги ставија во агендата по соодветните барања од Нова демократија. И до овој момент сѐ уште не е разјаснето дали овие промени навистина се неопходен предуслов за да продолжи било каков разговор за името, како што ние се залагаме“ - вели Мицотакис. 

Тој нагласи  дека „единството на сите партии би требало да е оружје за земјата“.